الشروط والسياسات

النسخة 1.0. أي موافقة على الموقع بتتسجل بالنسخة دي ووقتها.

الشروط والأحكام

بلاست مصر منصة لبيع خامات البلاستيك وأدوات تشغيل للمصانع. الأسعار المعروضة أسعار بيع بلاست مصر، وليست أسعار سوق رسمية، وبتتحدث خلال اليوم.
الطلب بيتأكد بعد موافقة بلاست مصر على الكمية والسعر وطريقة الدفع والتوصيل، والملخص اللي بيظهر قبل إرسال الطلب جزء من الاتفاق.
مصدر الخامة (المورد) معلومة خاصة ببلاست مصر، والمسؤول قدام العميل عن الخامة والتسليم هو بلاست مصر.
العميل مسؤول عن صحة بيانات الحساب والعنوان وموقع التسليم، وعن تجهيز مكان التنزيل.
الحاسبات وأدوات المصنع وباشمهندس بولي أدوات مساعدة تقديرية، وأي ضبط للماكينات يتعمل بواسطة فني مختص.
ممكن نعدّل الشروط، وأي تعديل بياخد رقم نسخة جديد، وكل موافقة بتتسجل بنسختها ووقتها.

بنجمع بيانات الحساب (الاسم والموبايل والعنوان ومستندات التوثيق) علشان ننفذ الطلبات ونوثّق الحساب.
بنسجل نشاطك على الموقع (الصفحات والخامات اللي بتشوفها) علشان نحسّن الخدمة ونتواصل معاك في الوقت المناسب.
بيانات مصنعك في أدوات المصنع (المشتريات والمخزون والخلطات والإنتاج والعمال والزباين) خاصة بيك، ومفيش شاشة بتعرضها باسمك.
الأرقام المجمعة (زي متوسط أسعار الشراء) مابتظهرش إلا من 5 مصانع على الأقل، ومن غير أسماء.
تنبيه العروض اختياري: لو فعّلته بنفسك، فريق بلاست مصر بيشوف اسم الخامة وموعد خلصانها بس، علشان يبعتلك عرض. وتقدر تلغيه في أي وقت.
مابنبيعش بياناتك ولا بنشاركها مع أي طرف تاني، إلا للتنفيذ (زي السواق اللي بيوصل الطلب) أو لو القانون طلب ده (قانون حماية البيانات الشخصية 151 لسنة 2020).
تقدر تطلب نسخة من بياناتك أو تصحيحها أو حذف حسابك من خلال التواصل معانا.

طرق الدفع: نقدي، أو تحويل بنكي، أو إنستاباي، أو محفظة إلكترونية، حسب المتاح في الطلب.
موعد الدفع حسب اتفاق كل طلب: مقدم (عربون) والباقي عند التسليم أو بعده، أو آجل لعملاء معينين. الاتفاق بيظهر في ملخص الطلب قبل الموافقة.
التسليم ممكن يتم قبل التحصيل الكامل حسب الاتفاق، والطلب بيتقفل بعد وصول المبلغ كله.
أي دفعة بيتعمل لها إيصال في صفحة الطلب. الدفع للسواق مسموح بس لسواقين بلاست مصر المعلنين في الطلب.
مفيش قيد مالي بيتمسح؛ أي تصحيح بيتم بقيد عكسي موثق.

لو الخامة اللي وصلت مختلفة عن المتفق عليه (النوع أو الجريد أو الكمية أو حالة الشيكارة)، بلّغنا قبل ما تستخدمها، ومعاك صور أو عينة.
بعد المراجعة، بنتفق معاك على الحل: تبديل الخامة، أو استرجاعها وإرجاع ثمنها، أو خصم مناسب.
الخامة اللي اتفتحت أو اتخلطت أو دخلت الماكينة مابتترجعش، إلا لو العيب في الخامة نفسها واتأكد.
أي مبلغ زيادة دفعه العميل بيفضل رصيد له في حسابه، أو بيرجع له بنفس طريقة الدفع لو طلب ده.
إلغاء الطلب قبل تحميل العربية مجاني، وبعد التحميل بيتحسب النقل حسب الاتفاق.